ØYSTEIN WINDSTAD

oystein.windstad@fagbladet.no

Neste lønning blir ein del større, og det er på grunn av fagrørsla og LO. Meir om det seinare. Men først: Kor mykje meir vil du få inn på konto i desember?

• Har du feriedagar til overs? Dette må du gjere

For deg med 20.000 i nettoløn

Utgangspunktet for alle desse eksempla er at skatten er på 35 prosent. Høgare eller lågare skatt vil gje ei anna løn til jul. Har du vanlegvis utbetalt 20.800 kr i månaden, vil det i desember tikke inn 26.400 kr, grunna halv skatt i desember.

• Dette er skattefritt frå Nav i desember

Du som har 25.000 utbetalt

Ligg løna di på 25.350 i månaden, vil du få 32.175 inn på konto neste månad.

LO-KRAV: LO stilte seg bak ei skattereform på 1950-talet og fekk samtidig igjennom at alle lønsmotakarar får meir å rutte med til jul.

Jøran Grønstad

Om du har 30.0000 i månaden

Får du ubetalt 30.550 ellers i året, kjem det 38.775 på lønskontoen i desember.

• Du får ikkje til saman mindre skatt på grunn av desember

Og du som har 35.000 til vanleg

Og i siste tenkte eksempel, har du ei utbetalt månadsløn på 35.100, kan du glede deg over å få inn 44.550 kr i desember.

UTREKNINGA: Her er ei oversikt som forklarar tala og kor mykje mindre skatt og meir løn du vil få, alt etter kva månadsløn du har. Oppsettet er laga av Forhandlingsenheten i Fagforbundet.

Øystein Windstad

Korfor?

Grunnen til at vi har dette systemet, er fagforeiningane og LO. I 1952 fekk dei igjennom det systemet vi har i dag: At det blir trekt litt høgare skatt elles i året, og mindre i desember.

Bakgrunnen for ordninga var å sikre at dei som er under økonomisk press og som slit med å spare, skal ha betre råd til julehøgtida. LO sat halv skatt i desember som krav for at dei skulle støtte skattebetalinglova.

Samla sett betalar du altså ikkje mindre skatt, sjølv om han er halv i desember. Ordninga er kort og godt at staten hjelper oss med å spare.

Sjefen kan gje meir i november

Om du vil starte juleshoppinga litt tidleg, opnar lova for at du kan få mindre skatt og meir på konto i november. I staden for desember. I lova står det at du kan velje om du vil ha mindre skattetrekk i dei to siste vekene i november. Eller i desember. Ønsker du å få meir pengar i november i staden for desember, kan du be sjefen om dette. Sjefen kan om han eller ho vil og får det til, framskunde utbetalinga av meir pengar til november-løna. Det er likevel sjefen som avgjer om du får utbetalinga i november i staden for desember.