MENINGER
Velferdsstaten søv aldri
Sissel M. Rasmussen
Det handlar ikkje berre om å få folk gjennom så fort som mogleg. Det handlar om sjuke menneske. Menneske i krise. Menneske som ikkje berre treng ei nål i armen og ein slange med cellegift, men òg ei hand å halde i og nokon å prate med. Omsorg kan ikkje effektiviserast.
Privat
Sjukepleiar og avdelingstillitsvald for Fagforbundet ved kreftavdelinga på Haukeland universitetssjukehus
Årets 1. mai skal eg feire på jobb på Haukeland universitetssjukehus. Det vert rart. Eg er vand med å gå saman med arbeidskameratar i tog, men året i år vert som i fjor – ein slags unntakstilstand. Det vart òg min tur å halde velferdsstaten i gang i år. Noko av det me har kjempa for.
Alt det rare til trass – 1. mai er stadig viktig. Me som jobbar i sjukehusa, er slitne. Ikkje av stadige covid-19 tiltak – dei er blitt kvardagslege, men av fokus på økonomi og effektivitet over kvalitet. Me får regjeringas «avbyråkratisering og effektiviseringsreform» (ABE) trødd ned over hovudet. ABE er berre kode for ostehøvelkutt. Samstundes må me òg spare pengar for å kunne ha råd til å investere i nytt utstyr og oppgradering av bygg.
Heile opplegget baserer seg på ei total misforståing av korleis helsetenesta fungerer. Me som jobbar i pleia, jobbar ikkje ved eit rulleband. Det handlar ikkje berre om å få folk gjennom så fort som mogleg. Det handlar om sjuke menneske. Menneske i krise. Menneske som ikkje berre treng ei nål i armen og ein slange med cellegift, men òg ei hand å halde i og nokon å prate med. Omsorg tek tid. Omsorg kan ikkje effektiviserast. Omsorg er viktig.
Me er mange som er på jobb for å få sjukehusa til å gå rundt. Pleiepersonell, reinhaldarar, portørar, sekretærar, legar, bioingeniørar … Lista er så lang at det ikkje er mogleg å nemne alle. Men me er alle på jobb for ein ting: å sikre gode tenester til pasientane. Å sikre helsa. Å gi omsorg.
Det er alltid nokon av oss på jobb. Velferdsstaten søv aldri. Han stiller opp. Og velferdsstaten – det er oss alle. Men me er slitne. Me gjer absolutt alt for at pasienten ikkje skal vere den som lir under det evinnelege effektivitets- og innsparingsfokuset. Men det er ei tung byrde å bæra.
No treng me endring, og eg har store håp om at det vil me få til hausten. Litt meir tid til omsorg. Litt mindre tid til budsjettkutt og «effektivisering». Litt meir fokus på faglege avgjersle over økonomiske. Me treng politikarar som forstår og høyrer på oss.
Eg skulle gått i tog i år. For pasientane, fagfolka og oss alle si skuld. Men det kan eg ikkje. Då gjer eg det nestbeste: Eg går på jobb og held velferdsstaten i gang.
Hovedtillitsvalgt Arne Hernes er selv ansatt på Nav-kontoret der to ansatte ble knivstukket.
Nav-ansatt drept på jobb: – Ingen grunn til å tro at de ikke har tenkt på sikkerheten, sier tillitsvalgt
MARSJORDRE: Fylkesregionlederne i Fagforbundet jubler over at Ap-leder Jonas Gahr Støre ligger an til å bli statsminister, men de har også klare forventninger til hva han må levere.
Jan-Erik Østlie
Her er Fagforbund-ledelsens krav til Jonas Gahr Støre: Få SV inn i regjering, sett i gang reversering av kuttene til Erna med en gang, og ta Rødt og MDG med på råd
Linn Aslaksen Neset har drømt om å jobbe i ambulansetjenesten siden hun var liten.
Anita Arntzen
Ambulansearbeider Linn: – Geværet pekte rett mot meg, og han brølte: «Kom dere ut!»
Statsministerens kontor
Dette er resultatet etter åtte år med regjeringen Solberg: Disse kuttene har rammet arbeidere, syke, uføre og aleneforeldre
Tre år er den vanlige maksperioden for arbeidsavklaringspenger den Høyre-ledede regjeringa innførte i 2018. (Illustrasjonsfoto)
Colourbox.com
Nesten 4000 mennesker kan miste arbeidsavklaringspengene i starten av oktober
Ansatte i pleie- og omsorgstjenesten har mer kvelds- og nattarbeid enn andre yrkesgrupper, ifølge arbeidslivsbarometeret til YS.
Tri Nguyen Dinh