TORMOD YTREHUS

tormod@lomedia.no

I dag er det to veker igjen til den internasjonale kvinnedagen skal markerast landet rundt. Men allereie no har mange av dei lokale komiteane vedteke kva som blir årets parolar – altså kampsakene som fronta av kvinnerørsla denne dagen.

FriFagbevegelse samla ei oversikt over dei lokale markeringane av den internasjonale kvinnedagen i landets største byar, og presenterer her dei vedtatte parolane.

Sjå alle parolane som tek for seg arbeidsliv lengre ned i saka!

#metoo over heile landet

Over heile landet er det #metoo-kampanja mot seksuell trakassering som står først på agendaen i landets demonstrasjonstog og forsamlingshus:

• I Oslo og Kristiansand er «#metoo - fra taushet til kvinnekamp!» ein av årets hovudparolar.

• I Bergen er «Vi vet hva flørting er. #metoo» ein av hovudparolane, og forfattaren Heidi Helene Sveen skal snakke om kampanja og seksuell trakassering.

• I Tromsø er «#metoo: Nok er nok!» årets hovudparole.

• I Stavanger er «Frihet fra seksuell trakassering – #ikketilforhandling» ein av parolane. (Emneknaggen viser til oppropet der 736 personar tek eit oppgjer med seksuell trakassering i fagrørsla.)

• I Fredrikstad arrangerer 8. marskomiteen «#metoo – hva nå?», der blant andre Trine Lise Sundnes, forbundsleiar i Handel og kontor deltek.

• I Sarpsborg og Ålesund er #metoo tema for årets markering.

• På Lillehammer kan du få med deg foredraget «Fra antikkens Lucretia til våre dagers #metoo. Har vi stadig bruk for 8. mars?» med Elisabeth Aasen og foredraget «#metoo i strafferett, arbeidsrett og tillitsverv» med advokat Tone Ljoså.

Her er parolane om arbeidsliv

Kvinnerørsla har valt seg ut spesielt likeløn, sekstimersdag og pensjon som arbeidslivspolitiske kampsaker i årets markering. Her ser du heile lista med arbeidslivspolitiske parolar:

Oslo:

• «8-timersdagen 1918 – 6-timersdagen 2018!»

• «Pensjonskamp er kvinnekamp – forsvar offentlig AFP»

• «Lønnet arbeid til alle – praksisarbeid er slavearbeid!»

• «Ikke shoppe vakter – hele og faste stillinger nå»

• «Likelønn NÅ! – aktiv politikk for kjønnsbalanse i alle yrker»

Markeringa startar klokka 18.00 på Youngstorget. Arrangør er 8. marskomiteen i Oslo. Sjå alle parolane her.

Bergen:

• «Vi krever likelønn - ikke lønn etter kjønn»

Markeringa startar klokka 17.00 på Torgallmenningen. Arrangør er 8. mars-initiativet. Følg med her for meir informasjon om programmet.

Trondheim:

8. marskomiteen i Trondheim arrangerer parolemøte 27. februar

Markeringa startar klokka 17.00 på Torget. Arrangør er 8. marskomiteen i Trondheim. Sjå meir informasjon om programmet her.

Tromsø:

• «Likelønn nå!»

• «Ikke shoppe vakter – hele og faste stillinger nå»

• «8-timersdagen 1918 – 6-timersdagen 2018

• «Pensjonskamp = Kvinnekamp»

Tid og stad er ikkje annonsert enno. Arrangør er Kvinnedagen 8. mars i Tromsø.

Stavanger:

• «6-timers arbeidsdag med full lønnskompensasjon»

• «Forsvar offentlig pensjon»

• «Forsvar velferdsstaten – privatisering tapper det offentlige»

Markeringa startar klokka 17.00 i Byparken, etterfølgt av tog. Arrangør er 8. marskomiteen i Stavanger.

Drammen:

• «Lovfestet rett til heltid – nei til midlertidige jobber»

• «Lik lønn for likt arbeid»

• «Stopp utnyttingen av ungdommen – tarifflønn til alle»

Oppmøte er klokka 17.45 ved Torgeir Vraas plass 1. Toget går til Folkets hus. Deretter blir det Festmøte i Folkets hus kl. 19.00. Arrangør er 8. mars – kvinnenes internasjonale kampdag. Sjå heile programmet her.

Kristiansand:

• «Lovfesta rett til heltid –ja til 6-timersdag» (Rødt Kristiansand)

8. marskomiteen i Kristiansand har enno ikkje annonsert tid og stad.

Her er fleire stader der kvinnedagen blir markert

Fredrikstad:

Trine Lise Sundnes, forbundsleiar i Handel og kontor, deltek på arrangementet «#metoo - hva nå?» klokka 18.30 på Litteraturhuset. Arrangør er 8. marskomiteen i Fredrikstad ved Ap, SV, Rødt og LO. Sjå heile programmet her.

Sarpsborg:

8. marskomiteen i Sarpsborg inviterer til feiring i Sarpsborg kirke klokka 18.00.

Grenland:

8. marskomiteen og fleire inviterer til feministfest på Litteraturhuset i Skien klokka 18.00.

Ålesund:

8. marskomiteen i Ålesund inviterer til appeller og fakkeltog på Rådhusplassen klokka 18.00, før eit arrangement på Teaterfabrikken klokka 19.00. Sjå heile programmet her.

Moss:

I Moss blir det markering av den internasjonale kvinnedagen, med tale, appell, debatt og underholdning i Samfunnssalen. Dørene åpner klokka 16.00. Sjå heile programmet her.

Haugesund:

8. marskomiteen i Haugesund inviterer til arrangement på Høvleriet. Dørene blir opna klokka 18.30. Sjå heile programmet her.

Sandefjord:

I Haugesund blir det markering på Biblioteket klokka 18.00. Blant appellantane er Anne Merete Sørensen frå Fagforbundet, og det blir standup og musikk. Arrangørar er Fagforbundet, Sosialistisk venstreparti og Arbeidarpartiet.

Arendal:

8. mars i Arendal har varsla eit arrangement på Kanalplassen klokka 17.00.

Lillehammer:

På Lillehammer blir det arrangert foredrag, appellar, teater og utstilling utover heile dagen. Sjå heile programmet her.

• Nå er det forbudt å lønne menn høyere enn kvinner på Island

• Dette er snittlønna i over 300 yrker

• Lines yrke er et av Norges dårligst betalte