ØYSTEIN WINDSTAD

oystein.windstad@fagbladet.no

– Me er urolege. For få helsepersonell har vaksinert seg fram til no, det seier Bjørn Guldvog, direktør i Helsedirektoratet til NRK. I fjor tok halvparten av dei som jobbar i helsevesenet influensavaksine. I år er det litt under ein av tre, viser tal frå FHI.

• Slik kan du få mykje fri neste år

UROA: Bjørn Guldvog er direktør i Helsedirektoratet og håpar fleire helsepersonell vil ta influensavaksine.

Leif Martin Kirknes

{f1}

Færrast i primærhelse

Dei som jobbar i primærhelsetenesta er minst vaksinerte mot influensa. Der har 24 prosent teke vaksinen. Helsemyndigheitene håpar på ei dekningsgrad på 75 prosent. I Troms og Finnmark er det færrast som har vaksinert seg, med 18 prosent dekning.

• Fagforbundet-støtta menneskerettsforkjempar mot fotball-boikott

Viktig for å beskytte sårbare

Nye tal frå FHI viser at 55 prosent av alle over 65 år har teke influensavaksina. Til saman har over ein million nordmenn teke vaksinen. I veke 46 var 53 personar lagt inn på sjukehus med influensa. Det er ei dobling samanlikna med veke 44. Guldvog seier vaksinering av helsepersonell er viktig for å verne om dei mest sårbare brukarane av helsevesenet:

– Dei som har kontakt med sårbare pasientar bør bli vaksinert. Det er blant anna alle i den kommunale helse og omsorgstenesta, seier Guldvog til NRK.