Øystein Windstad

oystein.windstad@fagbladet.no

Fagforbundet streikar for at rundt 100 medlemmar i barnehagar skal få den same pensjonen som andre. Til no er om lag 60 medlemmar tekne ut i streik.

{f2}

Klokka 15 i dag må Fagforbundet og NHO møtest hos Riksmeklaren til tvungen mekling, fordi streiken har gått i 30 dagar:

– For oss er dette ein svært viktig streik som vi ikkje kjem til å gje oss på. Taper vi her, kan andre barnehagar også prøve seg på tariffhopping og gå tilbake på dårlegare pensjon, seier Anne Green Nilsen som er forhandlingsleiar for Fagforbundet.

• Fagforbundet om pensjonen: – Kvinner kjem dårleg ut

LEIAR: Anne Green Nilsen er forhandlingsleiar om pensjonen til dei 100 medlemmene som er organiserte i NHO-barnehagar. Her frå eit bilde frå ein streik i fjor.

Birgit Dannenberg

– Eigarane har pengane til pensjon

Nilsen viser til at det store fleirtalet av andre private barnehagar som Norlandia, FUS og medlemmar av Private barnehagers landsforbund (PBL) allereie har hybridpensjon:

– Denne ordninga liknar mest på den offentlege pensjonen. Det er viktig å merke seg at eigarane får dekt det denne pensjonsordninga kostar av staten. Dette vil altså etter vårt syn ikkje bli dyrare for dei private barnehagane: Dei må betale ut den pensjonen det offentlege allereie har betalt dei for.

{f1}

• NHO: – Vårt tilbod om pensjon er like bra

Streiken kan bli større

– Kva skjer om de ikkje blir einige i dag på den tvungne meklinga?

– Då fortset streiken. Vi har ikkje tenkt å gje oss. Går vi ut i ein streik, skal vi ha resultat, seier forhandlingsleiar Nilsen i Fagforbundet. Til no er det streik i barnehagar i Oslo, Trondheim, Stord, Stavanger og Bergen blant anna.