ØYSTEIN WINDSTAD

oystein.windstad@fagbladet.no

Over 3000 lærarar streikar ved skular over heile landet. Fagforbundet har mange medlemmer i skuleverket. Pål Skarsbakk er leiar for LO kommune og leiar for lov- og avtaleverk i Fagforbundet. Han fortel kva som vil skje om lærarane vinn streiken litt lenger ned i artikkelen. Og han deler kva det er viktig at Fagforbundet sine medlemmene passar på under streiken.

• Eig du hus i sør kan straumen koste 33.000 kr i månaden

Kan hamne i gråsoner

Skarsbakk i Fagforbundet seier det viktigaste medlemmane gjer, er å ikkje gjere læraroppgåver:

– Medlemmane må passe på at dei ikkje overtek jobben og arbeidsoppgåver til dei som er i streik.

– Kva slags gråsoner kan medlemmane hamne i?

– Det kan vere ved disponering av folk og spørsmål om kva som kan gjerast. Undervisning er uaktuelt, seier han.

STREIKERÅD: Pål Skarsbakk er leiar av LO kommune og leier avdeling for lov og avtaleverk i Fagforbundet: – Medlemmane må passe på å ikkje overta arbeidsoppgåvene til lærarane. Om dei blir pålagt noko som er i strid, skal dei ta kontakt med tillitsvalt-apparatet, som igjen kan ta kontakt med kompetansesentera.

Martin Guttormsen Slørdal

• Ein av fem i vikarbyrå jobbar i skule eller barnehage

Er du i tvil: – Spør tillitsvalt

– Kva skal medlemmane i skuleverket gjere om dei er i tvil?

– Det er viktig at dei aktiv seier ifrå at dette er eg ueinig i, men dei gjennomfører jobben. Om ikkje kan det vere ein ordrenekt. Det har konsekvensar.

– Er det nokon plassar medlemmane kan gå til med spørsmål?

– Ja, då kan medlemmane gå til det nærmaste tillitsvalt, som igjen kan gå til kompetansesenteret med spørsmål.

• Gründer i barnevernet: Tiltalt for å kjøpe seg fri frå overgrep-skuldingar

Kan bli nye store rundar med forhandlingar

Om KS, som er kommunanes interesse og arbeidsgjevarorganisasjon, går med på lærarane sine krav, vil det opne døra for mange andre nye pengekrav:

– Det er ein reforhandlingsklausul i protokollen med KS om andre får meir. Då skal vi sette oss ved forhandlingsbordet, og då opnar vi for forhandlingar igjen.

– Så om lærarane vinn fram, blir det ei ny runde med forhandlingar og krav frå Fagforbundet?

– Ja, slår Skarsbakk fast.