Tormod Ytrehus

tormod@lomedia.no

Arbeidsministeren opplyste 19. mai at Nav sluttar å trekke forskot frå utbetalingar av dagpengar fram til lønnskompensasjonen frå Nav er på plass.

Nav har fått kraftig kritikk for å krevje tilbake pengar samtidig som permitterte manglar ei utbetaling frå Nav på nesten ei heil månadslønn.

• Kommune belønner sjefene ekstra for innsatsen under koronakrisen

På nettsidene sine skriv Nav at du må melde frå sjølv dersom du ønsker å få tilbakebetalt trekk av forskot i dagpengane dine. Dette gjer du på sidene «skriv til oss» på nav.no.

Eit månadleg forskot har permitterte og arbeidsledige kunna søke om i snart to månader. Nav har så langt utbetalt tre milliardar kroner i forskot til 165.500 personar.

• Nav skylder permitterte arbeidstakere ei månedslønn

Nav er nemleg grundig forseinka i behandlinga av dei 442.000 dagpenge-søknadene som har komme inn etter 12. mars. Nav har tidlegare sagt at saksbehandlinga vil ta unormalt lang tid fram til august.

• Feriepenge-krisen: Bedrifter kan få søke om penger av lånegarantiordningen, mener politiker

Også lønnskompensasjonen er forseinka etter at han vart vedtatt av Stortinget 20. mars. Ordninga skal sikre permitterte ei utbetaling frå Nav tilsvarande 18 dagar full lønn.