TORMOD YTREHUS

tormod@lomedia.no

Båten «Kårstein» er no i Palermo, på veg til Gaza for å bryte den israelske maritime blokaden. Den er lasta med medisinsk utstyr til innbyggarane. Båten segla frå Norge med støtte frå norsk fagrørsle og fleire LO-forbund.

No har ein israelsk domstol bestemt at myndigheitene skal konfiskere den norske båten, saman med den svenske båten «Freedom».

Vil gi pengene til terrorofre

Båtane skal seljast og pengane bli gitt til israelske terrorofre som kompensasjon, skriv israelske Jerusalem Post om dommen som vart avsagd 11. juli. Båtane er verdt mellom 700.000 og 1.500.000 norske kroner, ifølge avisa.

– Det er typisk at dei prøver all verdas, absurde juridiske grunnlag for å prøve å stoppe oss, seier Torstein Dahle, leiar for Ship to Gaza, organisasjonen bak det norske bidraget til «fredsflotiljen», til FriFagbevegelse.no.

Aktivistane sitt krav er at palestinarane skal få reise fritt ut og inn av Gaza.

Protestbåten ble oppgradert på Fagforbundets feriehjem i Bærum

I denne videoen forteller Fagforbundet-medlem og SV-politiker Mikkel Grüner om hvorfor han blir med båten hele veien til Gaza:

Imøtegår dommen

I retten vart det argumentert med at båtane sannsynlegvis kjem til å hamne i Hamas sine hender og bli brukt til å angripe israelske marinefartøy.

Ifølge rettsdokumenta får organisasjonen lov til å imøtegå dommen før den endelege rettsordren blir gitt.

– Vi vil sjølvsagt svare på dommen rettsleg i Israel, men den er absurd. Den manglar eit kvart seriøst haldepunkt. Båtane skal gis til fiskarane sin organisasjon, seier Dahle.

Mikkel skal utfordre den israelske marinen: – Barna mine kommer til å savne meg. Samtidig tror jeg de forstår hvorfor jeg gjør dette

Usikkert om dommen blir ståande

Dommaren har ikkje sagt korleis myndigheitene skal konfiskere skipa. Jerusalem Post skriv at det er usikkert om dommen står om den blir anka, sidan israelsk høgsterett i 2016 skreiv ut ein dom som hindra myndigheitene frå å konfiskere det svenske skipet Estelle.

– Vi veit ikkje korleis dei vil bruke dommen, om dei vil prøve å stoppe båtane eller rett og slett ta dei frå oss, seier Dahle, som opplyser om at dei har engasjert ein israelsk advokat.

– For første gong vil flotilje-organisatorane finne ut at det er ein pris å betale for provokasjonane deira, systematiske brot på internasjonal lov og for å støtte terroristorganisasjonar, seier leiaren for Shurat Hadin Israel Law Center, organisasjonen som tok saka til retten.

LO fordømmer Israels «uforholdsmessige maktbruk» på grensen til Gaza

Søkelys på Gaza

Måndag la båten til kai i Palermo på Sicilia, der alle som skal vere med på siste strekning, møtest.

Der får dei blant anna opplæring i å utøve ikkje-valdeleg motstand «hvis/når israelske marinesoldater ulovlig border båtene våre», skriv Ship to Gaza på heimesidene sine.

Båten segla ut frå Bergen 30. april og har sidan då vore innom norske og europeiske hamner for å sette søkelys på blokaden av Gaza og skjebnen til omkring to millionar innbyggarane.

– Dei mange israelske drapa på demonstrerande og protesterande menneske i Gaza har opprørt folk, og oppslutninga om Freedom Flotillas besøk har vore større enn venta i dei ulike hamnebyane, opplyser organisasjonen.

Fagforbundet vedtok å støtte boikott-bevegelsen

Sahar (27) er en av 280 israelere som er dømt til fengsel for å ikke ville delta i okkupasjonen

LO skal jobbe for full boikott av Israel